Katika hali ya kushangaza, madaktari wamebaini kuwa mwanamke mmoja Jijini Hanoi, Vietnam amejifungua watoto mapacha ambapo alipata ujauzito wa pacha hao kutoka kwa wanaume wawili kwa nyakati tofauti.
Kwa mujibu wa CNN, familia ya mapacha hao ilianza kuwatilia shaka watoto hao kutokana na kutofanana kwao kwa kiwango kikubwa kama watoto wa familia mbili tofauti na ndipo ikawalazimu kuwaona wataalam wa afya ya uzazi kwa ufafanuzi zaidi.
Wataalam hao waliwafanyia vipimo vya vina saba (DNA) na kisha kubaini kuwa watoto hao hawakuwa wa baba mmoja.
