Staa wa Muziki wa Bongo Fleva, Malaika Exavery
STAA wa Muziki wa Bongo Fleva, Malaika Exavery hivi karibuni yalimkuta makubwa baada ya gari lake (Toyota Harrier Lexus) kunasa kwenye tope maeneo ya Kigamboni, Dar na kushindwa kutoka kwa muda na kusababisha umati umzunguke.
Akizungumza na Tzmpya blog Malaika anayetamba na Wimbo wa Raruararua alisema siku hiyo alikuwa akitoka kurekodi Kigamboni hivyo hakujua sehemu anayopita kutakuwa na matope mazito yatakayo-sababisha garilake likwame.
“Sijawahi kutokewa na tatizo kama lile, sikuwa nikijua chochote kuhusiana na njia ile mara nikajikuta gari likishindwa kutoka. Kila mtu alinionea huruma ila nashukuru kuna gari lilitokea na kunivuta,” alisema Malaika.
