Taasisi ya Kuzuia na Kupambana na Rushwa (Takukuru). Waliothibitishwa ni Alphayo Kidata, aliyekuwa Kaimu Kamishna Mkuu wa TRA ambaye anakuwa Kamishna Mkuu wa taasisi hiyo.
Pia Valentino Mlowola aliyekuwa Kaimu Mkurugenzi Mkuu wa Takukuru, amethibitishwa kuwa Mkurugenzi Mkuu wa taasisi hiyo ya kuzuia na kupambana na rushwa nchini. Taarifa iliyotolewa jana na Kaimu Mkurugenzi Mkuu wa Mawasiliano, Ikulu, Gerson Msigwa, ilisema watendaji hao walioteuliwa hivi karibuni wamethibitishwa kuanzia jana.
Watendaji hao waliteuliwa kukaimu nafasi hizo Desemba mwaka jana baada ya Rais kutengua uteuzi wa waliokuwa wakishika nafasi hizo. Kidata alikaimu nafasi hiyo baada ya uteuzi wa Harry Kitilya aliyekuwa Kamishna Mkuu wa TRA, kutenguliwa. Naye Mlowola aliteuliwa kukaimu, baada ya rais kutengua uteuzi wa Mkurugenzi Mkuu wa Takukuru aliyekuwapo Dk Edward Hosea.
