Polisi Kanda Maalum ya Dar es Salaam, leo Agosti 17, 2016 imewahoji na kuwashikilia wasanii wa Kundi la Orijino Komedi kwa makosa ya kuvaa mavazi yanayoshabihiana na sare za jeshi hilo kinyume cha sheria.
Taaifa ya kusakwa kwa Orijino Komedi zilitolewa jana na Jeshi la Polisi Kanda Maalum ya Dar es Salaam kufuatia wasanii hao maarufu wa komedi hapa nchini kuvaa nguo ambazo zinashabihiana na sare za jeshi hilo wakati wakifanya vichekesho kwenye sherehe ya harusi ya msanii mwenzao, Emmanuel Mgaya ‘Masanja Mkandamizaji’ hivi karibuni.
